Կրթահամալիրի կրտսեր դպրոցներում ողջ ուսումնական տարվա ընթացքում գործում է դասարանական, ընտանեկան և անհատական ռադիո, ռադիոթատրոն: Ռադիոնյութի թեման ընտրվում է նախապես: Քանի որ կրթահամալիրում ուսուցումը իրականացվում է նախագծերով, թեման ընտրվում է՝ ելնելով այդ ժամանակահատվածում իրականացվող նախագծից:
Խնդիրներն են՝
· Բանավոր խոսքի զարգացում
· Ստեղծագործական երևակայության զարգացում
· Տեխնոլոգիական, մեդիահմտությունների զարգացում
· Խաղի, թատրոնի միջոցով ինքնաարտահայտվելու կարողության ձևավորում
· Հաղորդակցական հմտությունների զարգացում
· Համագործակցային հմտությունների զարգացում
Անհրաժեշտ գործիքները՝ անհատական նեթբուք-նեթբուք, թվային ֆոտոխցիկ, հեռախոս, ձայնագրիչ:
Միջավայրը՝ դասասենյակ, բակ-պարտեզ, ընթերցասրահ, թատրոնի սրահ, ընտանիք, ձայնագրման ստուդիա և այլն:
Արդյունք՝ ստեղծված ռադիոնյութը մոնտաժվում է համապատասխան ծրագրերով, տեղադրվում է դասվարի կամ սովորողի Soundcloud կամ Youtube էջում, իսկ վերջնական արդյունքը հրապարակվում է դասարանական կամ սովորողի անհատական բլոգում:
Տաթև Թամազյանի բլոգ 